ما هى منحة " DAAD Helmut-Schmidt-Programme "
تفاصيل منحة " DAAD Helmut-Schmidt-Programme "
يُقدم هذا البرنامج للطلاب الخريجين المؤهلين تأهيلا جيدا ولديهم درجة جامعية أولى مثل البكالوريوس أو ما يعادلها, من المساهمين بنشاط في التنمية الاجتماعية والاقتصادية لبلدانهم أو مناطقهم الأصلية، وهو متاح للخريجين الشباب الذين ليس لديهم خبرة مهنية أو في منتصف حياتهم المهنية.
المنحة محتاجة تخصصات اية بالظبط ؟
فى الحقيقة منحة " DAAD Helmut-Schmidt-Programme " طالبة فى الدراسة دى بالتحديد جميع خريجين مجالات " social sciences - political sciences - law - economics - public administration "
طيب انا مطلوب منى كام لغة ؟
مش مطلوب منك غير اللغة الانجليزية وبس.
طيب المنحة دى للطلاب المصريين وبس ولا دول أخرى ؟
لا المنحة دى للطلاب من دول " مصر - سوريا - العراق - فلسطين - الاردن - الجزائر المغرب السودان - ليبيا - اليمن - الصومال - جيبوتى - موريتانيا - ايران - جزر القمر -
مدة الدراسة طيب اد اية ؟ وهتبدأ امتى ؟
الدراسة هتكون يا اما فصلين دراسيين يا اما اربع فصول دراسية هتبدأ فى شهر 9 - 2021
علشان اتقبل فى المنحة دى مطلوب منى اية ؟
لازم توافق على حضور دورة إضافية في اللغة الألمانية لمدة 6 شهور بشكل عام اعتبارًا من أبريل 2021، بس لو كنت بارع فى اللغة الالمانية وبتتكلمها كويس جدا ممكن يحصلك استثناء من الدراسة دى .. دا لو يعنى 👀
- حتى لو انت هتدرس بالانجليزى لازم تاخد برضوا دورة اللغة الالمانية.
- لازم يكون درجاتك الاكاديمية اعلى من المتوسط
- لازم يبقى عندك متطلبات المهارة اللغوية ودى بتختلف طبعا بين كل جامعة والتانية.
- لازم تبقى عندك مشاركة سياسية او اجتماعية او انشطة وقت الجامعة ع الاقل.
- هتكتب وصف مقنع يخليك تروح المنحة دى ويميزك عن غيرك
- بالاصافة انك هتوضح الفايدة من المنحة دى على وطنك لما ترجع ؟
تكلفة المنحة دى اية ؟
المنحة ممولة بالكامل من البداية للنهاية
بتوفرلك: مبلغ 850 يورو لبرامج الماجستير اللى بتختارها فى مؤسسات التعليم الالمانية, تغطى المنحة التأمين الصحى, توفر المنحة بدلات السفر, دعم الدراسة والبحث, تقدم المنحة مبلغ مالى للاعانة على الايجار الشهرى, توفر المنحة بدلات اضافية للازواج و الاطفال فى حالة وجودهم, يقدم لحاملى المنحة دروس اضافية خاصة من التى تمولها مؤسسة DAAD, اعفاء حاملى المنح من الرسوم الدراسية.
يلا ندخل فى الجد .. طيب هقدم ازاى ؟
- املى الاستمارة بتاعت التقديم بخط ايدك ووقع عليها وبعد كدة ابعتها على المؤسسة - حمل الاستمارة من هنا
- اكتب خطاب تحفيزى واحد عليه التاريخ والتوقيع بتاعك وبخط ايدك لكل الدورات الجامعية اللى حابب تختارها و توضح مبرراتك تجاه الاختيارات دى اية بالاخص الاولوية الاولى والتانية,
- ارفق السيرة الذاتية الخاصة بيك
- الخطاب الشخصى ليك
- نسخة من شهادة التخرج ولو فى اى شهادات جامعية تانية ارفقها برضوا
- خطاب توصية من استاذ جامعة عندك او من مديرك فى الشغل " بخط الايد وموقع عليه "
- دليل اتقان اللغة الانجليزية - تعرف عليه من هنا
- نسخة من جواز سفرك الخاص
- ارسل المستندات مع الاستمارة مع خطاب التحفيز لمؤسسة DAAD
لمزيد من المعلومات عن المستندات المطلوبة من هنا