إقرى لـ سونة مسعود .. مين بطل الحكاية ؟ ‏

Share it:
"كُلنا نُولَد أبطال ولكن القليل مننا من يطلق البطل الكامن بداخله"

تفتكر انت من انهي نوع؟ النوع اللي جواه بطل بس خايف يطلعه؟ ولا النوع اللي قدر يطلع البطل اللي جواه؟. حياتنا عبارة عن محطات، كل محطة بنكتشف فيها حاجة جديدة،انت دلوقتي فى مرحلة الوسط من اللانهاية،بتنهي محطة طويلة اخدت منك طاقة كبيرة عشان تنزل من القطر وتركب لمحطة جديدة. سواء هتبقي محطة سهلة والطريق شكله جميل وزي ما بتتمني أو القطر ياخدك لطريق مختلف هتتعب فيه شوية بس هتوصل لطريق اجمل من المحطة الاولى.

 تيجي نتخيل سوا المحطتين؟

محطة السعادة: ودى اللى هتوصل فيها لحلمك اللى ذاكرت وتخيلته بيتحقق قدامك ووصلت للكلية اللى بتحلم بيها.محطة النصف سعادة:ودى هتوصل فيها لكلية مكنتش عايزها وهتحس ان دا مش مكانك. بس تفتكر دا هيطول؟ لا هى مرحلة نصف سعادة فقط وبعدها تبدأ مرحلة السعادة المطلقة اللى هتكتشف ان دا انسب مكان ليك وانك كنت ازاى بتزعل كدا.ملحمة الثانوية العامة انتهت مهما كانت حلوة او وحشة دلوقتى انت داخل على مرحلة اكبر.مرحلة الكلية من اعظم مراحل حياتك، هتكتشف دنيا جديدة وحياة جديدة ،هتعرف ناس جديدة.مرحلة اكتشاف الذات.هتكتشف فيها مواهبك وهواياتك،هتكتشف فيها صحاب عمرك.مهما كان المكان اللى هتدخله اتأكد ان دا مناسب لقدراتك. الحياة صدمات ووقعات كتير بس مين يقدريقوم اقوى من الاول؟اللى هيقدر يبنى نفسه من جديد.مقولة انجليزية معناها ان كل يوم جديد حياة جديدة وبداية جديدة. 

ما هومقياس النجاح؟ 

كلمة مجازية بتقنع نفسك بيها عشان تقول انا نجحت او فشلت. متفاوت ممكن نجاحك فى دراستك او نجاحك فى مجال دخلته صدفة او نجاحك فى رياضة او موهبة. انت اللى تقدرتحدد انت ناجح فين وعايزاى. الكلية اللى هتدخلها غصب عنك فى يوم هتبقى مصدر رزقك. هتلاقيك ماشى صدفة فتتعرف على شخص ياخدك مكان يوصلك لحلمك اللى تخيلت انه انتهى. المكان اللى هتبقى قاعد فى محاضرة تلاقى صحابك بيتكلموا عن كورس تروحه تتعرف فيه على مكان تانى يكون هو مصدرشغفك. كل قصص النجاح المعروفة بتبدأ بالسعى والاصرار على السعى والمعافرة، هو دا الفاصل بينك وبين الباقى. انت تقدر تثبت للعالم انك قدرت تنجح فى اى مكان.
انت بطل الماراثون. وصلت لنهاية السباق.بس الحياة مليانة مسابقات ومحتاج توصل لنهايتها. ركز فى اللى جاي نجاحك بين ايدك. انسى الثانوى والدروس.انت داخل مرحلة عظيمة ،مكان كبير. تخلص من غبار ايام الثانوية واستعد للكلية بكل طاقتك.هانت المكان اللى حلمت بيه قرب يبقى حقيقة. تعبت؟عارفين بس تقدر تطلع البطل الكامن جواك وتدخل كليتك بابتسامة البدايات السعيدة.نهاية جولة،هى بداية لجولة اصعب بس ممتعة.

عشان تقدر تعرف نتيجتك والتنسيق تابعنا على موقعنا "طلاب مصر"،اتحمست؟ هنتابع معاك خطوة بخطوة طريقك على موقعنا.
Share it:

مقتطفات طلابية

Post A Comment: