لو انتا دخلت كلية حقوق بكامل إراتك او انها إرادة التنسيق فركز في الكلام ده دقيقة لأنك محتاج تسمعه .
اكيد دلوقتي انت خايف من الكيلو و انك اول مرة تسمع عن موادها و حاسس انها هتبقي أزمة كبيرة عليك و كمان الكلام الشائع عن الكلية و قد ايه انها صعبة و انها محتاجة حفظ بس و كلام غيره كتير مع كده حقك تقلق طبعا من كل ده بس الموضوع ابسط م تعتقد.
خليني اشرحلك شوية الكلية عاملة ازاي من جوه
هي تلت أقسام
القسم الأول هو القسم العربي و ده ملوش شروط و الشائع عن معرفتنا بالكلية
القسم التاني هو قسم اللغة الانجليزية و ده بيكون 60٪ من مواده باللغة الانجليزية و 40٪ عربي بس من شروطه انك تكون جايب في ثانوية عامة 80٪ في اللغة يعني 40 درجة و ده بيختلف من سنة للتانية.
القسم التالت اللغة الفرنسية و دي بيبقي معظم المواد بالفرنسية.
معاك حق انك تكون لسة قلقان دي مجرد معلومات عن الاقسام بس ندخل علي الكلام المهم.
تشتغل ايه بالكلية دي ؟
انا مش عايز اشتغل محامي هشتغل ايه دلوقتي؟؟
تشتغل محامي دي إجابة بديهية لكل طلبة حقوق بس في مجالات تانية زي ( الجهات القضائية و دي لما ربنا يكرمك و تجيب تقدير و ده بيتم الإعلان عنه كل سنة )
( تقدر تشتغل في البورصة و الجهاز المركزي و البنوك ده لأنك بتدرس مالية و اقتصاد بالتفاصيل )
( تقدر تشتغل في النيابة ده لو قدرت تجيب تقدير من جيد جدا و لحد جيد ) ( تقدر تشتغل في الشركات و الشؤن القانونية لاننا بندرس العقود و القوانين الإدارية بالتفاصيل ) و غير ده كتير اووي.
تعالي بقي لو انت شخص كان طموحك وظيفة معينة و ملهاش علاقة بمجال حقوق و القانون خالص هتعمل ايه؟؟
احب اقولك اطمن علي الاخر ان ده مش عقبة في طموحك كلية حقوق كلية نظرية مش يتعمد في معظم الجامعات علي حظور و أعمال سنة و دي ممكن تكون ليك ميزة حلوة اووي ده يخلي عندك الوقت الكافي انك تطور و تنمي مهاراتك و هوايتك اللي بتحبها و تخليك تجرب اكتر من مجال جنب مجال الكلية و ده تقدر تلاحظه في اكتر من حد حوالينا قدر يعمل ده و يكتشف مجال غير محال الكلية.
و ممكن نقول أن رغم المميزات دي الا ان في واحدة من عيوب الكلية هنا لو قرارت انك تشتغل بعد التخرج في مجال القانون و السبب يرجع لن عدد الطلاب في الدفعة الواحدة كبير جدا بكده هيكون مجال العمل في المستقبل للطلاب المتفوقين سواء متفوقين من حيث التقدير العام او متفوقين من حيث المعرفة الجيدة للقانون و نظام التقاضي.
علي ما اعتقد انك قل القلق عندك بعد الكلام ده و انك فهمت ان الكلية هنا عنها مرونة كبيرة انك ممكن تستكشف اكتر من مجال ليك داخل الكلية او خارجها و انها مفيدة لأنك مش بس بتدرس قانون و دي الفكرة الشائعة مننا لاء بتدرس اقتصاد و مالية و تشريع إسلامي و حاجات كتير من مجالات الحياة و الكلية دي بتخليك تقدر تفكر بشكل منطقي اكتر علشان تعرف توصل لنتيجة منطقية و ربط احداث و شخصيات و ده هتحسه اكتر خلال دراستك فاستمتع و استفاد بسنين دراستك فيها لان في كل الاحوال ليها فيدة.
و بالمناسبة الكلية اتسمت بالعظماء لأنها خرجت قادة كتير في مجالات كتير مختلفة و مين عالم ممكن بعد سنين تكون واحد منهم.